मनहरी–फागुन २ गते । “सालक संरक्षणमा समुदायको नेतृत्व” भन्ने नारा सहित फेब्रुअरीको तेश्रो शनिवार (फागुन ६) गते सालक दिवस मनाइने भएको छ ।
यो दिवसलाई मकवानपुरमा बिबिध कार्यक्रम सहित यहि फागुन ४, ५ र ६ गते त्रि–दिवसिय रुपमा मनाउने भएको छ । डिभिजन वन कार्यालय राप्ती, डिभिजन वन कार्यालय मकवानपुर, ग्रीनहुड नेपालको आयोजनमा बिबिध कार्यक्रम सहित मनाइने राप्ती डिभिजन वन कार्यालय मकवानपुरका प्रमुख विष्णु प्रसाद आचार्यले बताउनुभयो ।
यस दिवसलाई जिल्ला समन्वय समिति, मकवानपुर, यहाँ स्थित बिभिन्न पालिका, बिभिन्न सामुदायिक वनहारू, मध्यवर्ति सामुदायिक वन, फेकोफन, मध्यवर्ती सामुदायिक वन उपभोक्ता महासंग, NTNC, WWF, ZSL IUCN लगायत संरक्षणमा कार्यरत संघसंस्थाको संयुक्त आयोजनामा मनाउन लागिएको उहाँले बताउनुभयो ।
फागुन ४ गते जिल्ला समन्वय समितिको हलमा बिभिन्न सरोकारवालाहरुको सहकार्यमा प्यांगोलिन राउन्डटेबल डिस्कसन हुने जनाइएको छ । उक्त कार्यक्रमा सालक संरक्षणमा कार्यरत समुह, वनका कर्मचारी, बिज्ञ, संचारकर्मी लगायतकाको उपस्थिति रहने आचार्यले बताउनुभयो ।
प्यानल डिस्कसन सहितको छलफल कार्यक्रममा मकवानपुरमा सालक संरक्षणको बिगतको अनुभव आदान प्रादान गरिने र आगामी दिनमा मकवानपुरमा गरिने सालकको बिभिन्न कामको बिषयमा छलफल गरिनेछ उहाँले बताउनुभयो । फागुन ५ गते मूल कार्यक्रम डिभिजन वन कार्यालय राप्तीको प्रांगण मनहरीमा आयोजना हुनेछ ।
उक्त कार्यक्रममा प्रमुख अभिभावकको रुपमा बागमती प्रदेशका वन तथा वाताबरण मन्त्रि माननीय राजु बिष्ट, जिल्ला समन्वय समिति प्रमुख, मनहरी, राक्सिरांग गाउँपालिका प्रमुख, वन मन्त्रालय लगायत अन्य सरोकारवालाको उपस्थितिमा मनहरी वरिपरिका माध्यमिक तह र क्याम्पसका बिधार्थीहरु, सामुदायिक वनका उपभोक्ता लगायत अन्य समुदायको उपस्थिति रहने सो कार्यक्रममा सालक संरक्षण सम्बन्धि गीत जनस्तरमा लोकार्पण गरिने, साथै स्थानीय समुहद्वारा सालक संरक्षणको लागि तयार गरिएको खैजडी भजन सहितको नृत्य कार्यक्रम हुने जनाइएको छ ।
बीच बिचमा बिभिन्न गीत, कबिता आदि हुनेछ भने विधार्थीलाई लक्षित गरेर सालक सम्बन्धि फेस पेंटिंग, चेतनामुलक बृतचित्र प्रदर्शन, सालकको मुकुण्डो सहित प्रदर्शन हुने जनाइएको छ ।
संचालन त्यस्तै तेस्रो दिन फागुन ६ गते लामो समय देखि सालक संरक्षणमा भूमिका खेल्दै आएको रानी र चुच्चेखोला सामुदायिक वन हेटौडा ६ र १७ का उपभोक्तासंग छलफल कार्यकर्मको आयोजना गरिएको उहाँले बताउनुभयो ।
