मनहरी–फागुन २७ गते । मनहरी ७ स्थित मनकामना सामुदायिक वन उपभोक्ता समूहको क्षेत्रमा केही दिनयता निरन्तर डढेलो लागिरहेको छ ।
छिमेकमै रहेको नमूना सामुदायिक वन उपभोक्ता समूह र दक्षिणकाली सामुदायिक वन उपभोक्ता समूहबाट फैलँदै आएको डढेलो नियन्त्रणका लागि मनकामना सामुदायिकल वन उपभोक्ता समूहले अधिकतम प्रयत्न गरिरहेको छ ।
तर, आगजनी नियन्त्रणमा आउन नसकेको समूहका अध्यक्ष सुरेश मुक्तानले बताउनुभयो ।
‘हामी अस्तिदेखि नियमित रुपमै जंगलमै खटिरहेका छौँ’, अध्यक्ष मुक्तानले भन्नुभयो–‘सम्भव भएसम्मका क्षेत्रहरुमा फायरलाइन निर्माण गर्ने र आगोको मुस्लोहरुलाई उपलब्ध स्रोत साधन प्रयोग गरी निभाउने प्रयत्न गरिरहेकै छौँ ।’
फागुन २५ गते ११ जना, फागुन २६ गते १७ जना र फागुन २७ गते शनिबार १९ जनाले निरन्तर जंगलमा लागेको आगो निभाउने प्रयास गरेको उहाँले बताउनुभयो । शनिबार सव डिभिजन कार्यालय मनहरीबाट खटिएको ४ जना अग्नि नियन्त्रकहरुले पनि सामुदायिक वन उपभोक्ता समूहका पदाधिकारीहरुलाई सघाउ पु¥याएको थियो ।
‘आगको सृंखला निकै लामो छ’, अध्यक्ष मुक्तानले भन्नुभयो–‘एकातिर निभायो, अर्काेतिर बढ्दै जान्छ, हामी बेहाल भैसक्यौँ ।’
उहाँले आगो नियन्त्रणमा उत्रिनका लागि आम उपभोक्तालाई समेत आग्रह गर्नु भएको छ ।
